病後調理—五指毛桃北茋鷓鴣湯
在售賣急凍肉食的店中見有鷓鴣賣，68元一隻，標明無激素飼養，鷓鴣能補五臟，養心安神及消痰，補而不燥，是疫病後調理的上好補益食品，對脾胃不和，心神不寧病患者很有益。
用五指毛桃、北茋配合紅棗、生薑煲鷓鴣湯，能補氣血，强體質，加快身體康復。
用料是：五指毛桃2兩，北茋5錢，紅棗5粒，生薑3片，急凍鷓鴣1隻。
做法：五指毛桃、北茋浸洗；紅棗去核；鷓鴣劏洗淨，出水；全部材料用8~9碗水煮2小時成4碗即成。
~ 小貼士：此湯藥味不重，清甜可口。對手術後患者亦很有益，但感冒發燒者不宜服。
芳姐，
你好，我奶奶將做切除一邊腎手術，請問手術可以煲咩湯水俾佢🙏謝謝
Shan:
你奶奶手術後先煲些蘿蔔陳皮水供服,以加快排走麻醉藥,可以燉些滴雞汁,或瘦肉汁供服用.用瑤柱陳皮煲小米粥供食亦佳.
多謝芳姐🙏
另外手術後幾多日可以飲石崇魚湯？
Shan:
手術後3~4天可飲石崇魚湯.
芳姐，家人準備做開腦手術，請問術後有什麼湯水適合？
Wai:
可以多用一些健脾胃的湯水,例如用淮山,茯苓,蓮子,芡實各5錢,紅棗5粒煲瘦肉湯供服,或用些養心安神的湯水如用蓮子,百合,圓肉煲些小米粥供食,以增强體質.
芳姐 請問我個仔16個月大可唔可以飲？
Fryers:
如果你仔仔平時健康的,没有氣血不足症狀,最好盡量少飲中藥材的湯水.一些平補的如淮山,蓮子,百合,芡實,薏米,紅棗等幼兒可以用.
芳姐：你好，請問中了新冠，剛轉回陰性，可以用些什麼食材調理身體？
可以煲鷓鴣湯食嗎？
Janet:
感染後康復可以用玉竹,雪耳,百合,杏仁,無花果各適量煲鷓鴣湯服,有助强壯肺氣.
謝謝芳姐🙏
芳姐你好， 家母（61歲）剛完做大手術（部分胃部，肝，膽部分切除）
想請問頭一週有冇咩湯水或食療適合佢？
出院後1/2週後 又應該煲咩湯俾佢呢？
另外燉陳皮豬肉水在各階段都合適嗎？ 可每日飲嗎？
感謝芳姐解答🙏🏻
Kammy:
陳皮瘦肉水合適的,可常服.另外可用北茋5錢,陳皮1個,瑤柱幾粒煲粥供服,有助加快傷口癒合.手術後5天左右可以煲些石崇魚湯供服,配淮山,杞子,陳皮煲湯亦可.配北茋黨參杞子紅棗各適量煲亦補氣血.
芳姐，您好，請問宮外孕手術後，第一週，跟第二週喝什麼湯比較合適？謝謝🙏
Joanna:
手術後第一週可以多用健脾胃的湯水以助吸收,例如四神排骨湯,鮮石斛淮山杞子瘦肉湯等;第二週可以多用補血湯水,例如蓮藕紅腰豆紅棗雞湯,紅菜頭羅宋湯等;第4天開始可以多用石崇魚或海鱸魚煲湯以加快傷口癒合.
芳姐你好，父親（73嵗）將接受腰椎微創手術（大型全身麻醉手術），請問手術後什麽粥品、湯水、飲料適合？
石崇魚湯是否手術後一週打後方可開始飲用、手術前又可否飲用以增強體力？感謝指教，謝謝。
YW:
手術後可以飲水就煲些白蘿蔔陳皮水供服,小口小口飲以加快排走麻醉藥.另外可用北茋4~錢加瑤柱煲粥供服,有助加快傷口癒合.石崇魚湯手術後出院可以飲,手術前可以飲,没問題.
芳姐你好😊我先生（60歳）上星期做搭橋手術 我一星期燉兩次雞汁 請問芳姑姐還有什麼湯水和飲食幫助先生盡快康復 請指教🙏
訪客:
你可以用鮮牛蒡4兩,(幼身那種最佳),冬菇4朵,白蘿蔔連頂上嫩葉1個,紅蘿蔔1個煲瘦肉或雞胸肉湯供服,8碗水煮成4碗,你先生可2天分服,或一天分服2碗,全家可飲,此湯有助防中風風及調理身體.忌用太肥膩高脂肪之品.用北茋,黨參各3錢,淮山1兩,杞子2錢,紅棗5粒煲豬展湯能補氣血,一星期可服2劑.
芳姐😊我還想問我每天可以給他吃海參嗎？多謝你回覆 非常感謝😊
訪客:
中風後如果胃口好可以經常吃海參,但如果脾胃消化力差,有感冒就不宜食.
芳姐您好：
老人家八十幾歲做了大腸手術， 因去不到大便所以做了手術，手術後身體很虛弱。請問芳姐可以煲那些湯水或者食物可以幫他身體恢復。 這些湯水是否可以每天都食用的。
訪客:
老人家多數虛性便秘,可以用當歸5克,何首烏5克,麥冬5克,無花果切片2粒入茶包袋,每次沖泡10分鐘可飲,可沖泡至淡.可每天飲用,飲半個月試試.
芳姐好，小朋友呢個月病左2次，都係小病有啲咳同鼻水，依家好返，請問煲呢個可以？定煲啲咩可以增強返抵抗力，補下脾胃？
另外，有冇啲咩日常可以煲來飲對眼瘡好？
小朋友容易生眼瘡，感謝您抽空解答。
Bi:
這款湯小朋友可以飲,加3錢太子參能健脾補氣,增强免疫力.生眼瘡可以用桑葉,菊花各3錢,4碗水煮成2碗供一天分服,一星期2劑,有助清肝明目.服兩星期試試.另外煲完的茶渣可以用手巾仔包住敷眼,有助消炎.要教小朋友不要用手擦眼睛,因為生眼瘡的地方皮膚弱,容易細菌感染,保持清潔十分重要.
感謝芳姐解答 🙏🏻 另外想問小朋友原本已病好返，但今日突然有啲喉嚨痕又乾咳，咳出少量黃痰，應該煲咩飲好？
Bi:
可以用鮮龍脷葉1兩,金羅漢果半個,南北杏1兩,紅蘿蔔1個煲瘦肉湯供服,全家可飲.
芳姐，你好
小兒8歲剛做了一個口腔手術，請問有咩湯水可以幫助佢復原？傷口大約有4-5隻牙仔咁長，都幾大。
另外，佢夜晚有時瞓得唔定，會磨牙，我擔心佢磨牙會影響傷口復原。請問手術後可以飲七星茶嗎？
謝謝芳姐！
May:
你可以用北茋3錢,淮山1兩,杞子2錢,紅棗5粒煲瘦肉湯,有助加快傷口癒合.海鱸魚或石崇魚豆腐湯枼適合.磨牙可能是精神緊張,多加安慰和傾談有助舒緩.可以煲些小麥米蓮子百合紅棗糖水以助減壓,全家可飲.七星茶可以飲的.
謝謝芳姐指教。
另外請問吃魚、蛋，怕唔怕傷口發炎？
May:
魚,蛋可適量吃,但無鱗魚,筍,蝦蟹,鵝肉等發物不宜吃,易誘發炎症.
感謝芳姐指教🙏🏼
芳姐你好！我媽65歲剛做完腰椎間盤突出椎管狭窄手術二星期，請問可以煲咩湯飲？謝謝你
Kuan:
你可用巴戟,杜仲各5錢,川牛膝3錢,南棗6粒,黑豆或栗子適量煲豬展湯供服,煲夠2小時,全家可飲,一星期2劑,有助加快康復.
多謝芳姐解答！
芳姐你好!
我奶奶乳癌第一期手術前咳，手術已經做咗一星期，但她的咳仍然有，睡得不好，胃口還可以，她本身有糖尿病，高血壓，心臟病，想請芳姐指教有甚麼湯水合適她!萬分感謝
Yan:
你試用虎乳靈芝3錢,雪耳2錢,百合1兩,南北杏5錢,無花果3粒煲鷓鴣(或瘦肉)湯供服,煲2小時,全家可飲有助補肺氣止咳,安神.
谢谢芳姐🙏🙏🙏🙏
芳姐你好，
請問做完脊椎側彎手術一星期可否喝杜仲牛膝湯？
akqjlinchan:
脊椎手術後可以飲杜仲牛膝湯,加黑豆或栗子,南棗煲豬展湯,能加快康復.
謝謝！
謝謝你的回覆，請問可否用石崇魚代替豬𦟌？
Akqjlinchan:
可以用石崇魚代替豬肉.
好的。謝謝你的回覆。
你好芳姐，請問小兒3歲會做一個扁桃線切除手術 ，請問下，此湯適合飲嗎？手術後幾時可以飲？多謝你
Jane:
此湯小兒手術後3~4天可以飲.
多謝芳姐回應！
芳姐你好！確診新冠肺炎康復過後依家喉嚨一癢就導致咳.有好多白色痰.咳左一個幾月啦，請問有乜湯水可以調養？
Jennifer:
你試用法夏,茯苓,白朮各4錢,陳皮2錢,生薑3片,甘草1錢,5碗水煮成2碗服,連服3劑,有助清痰.所有材料中藥店有售.
多謝芳姐解答，祝身體健康。
芳姐，請問紅菇有什麼功效呢？行經商場見有售 但不懂得其功效和可以煲什麼湯 所以想請教你 謝謝你。
Wing:
紅菇據說能增强人體免疫力,有抗癌功效,但去年我妹妹自雲南買了包紅菇給我,我可能對雜菇過敏,一吃即出紅疹,但當地人是經常當一般菇類食用的.可配淮山,杞子,紅棗煲瘦肉湯服.