小兒流鼻血—金針茅根糖水
小朋友在成長過程中難免跌跌碰碰受點皮外傷，小朋友的鼻膜薄，如果跌倒時撞傷鼻黏膜，就會經常流鼻血，要待小朋友10歳以上鼻膜長厚了才會停止流鼻血，故但凡撞傷了鼻，每隔一些時日流鼻血的小朋友，不妨多用這款「金針茅根糖水」作保健食療。
鮮茅根味甘性寒，能涼血止血、利尿抗菌。民間常以鮮茅根配竹庶馬蹄紅蘿蔔煲水作清涼茶，對小便不利、煩熱、以及出血症都有幫助。
金針有清利濕熱、寛胸膈之功，可治小兒黃疸、夜不安眠等。配鮮茅根及冰糖煲水代茶服，功能涼血、止血。對血熱鼻出血患兒十分有益。
用料是：金針兩，鮮茅根1兩，冰糖少許。
做法：金針用清水浸半小時，將水倒走；鮮茅根洗淨，切段；全部材料用6碗水煮半小時成2碗，加冰糖煮溶即可供服。
~ 小貼士：此湯清甜藥味不重，小朋友不會抗拒飲用，如想加强療效，可加3個鮮蓮藕節同用。
芳姐你好
我女已23歲，由細到大都經常流鼻血，今日流了一個小時鼻血都止唔到，去了醫院，請問有咩湯水適合佢飲？謝謝你🙏🏼
Karen
Karen:
其實中醫對這類流鼻血療效頗佳的.食療可用茅根1扎,鮮蓮藕節3個,雪梨1個,去芯,或雪梨乾6片煲水半小時服,一星期2劑,至症狀改善為止.
請問放幾多水左右？謝謝
Karen:
4碗水煮成2碗,一天分服.
芳姐，請問小朋友這兩個星期抖氣變得大力，要大啖吸氣咁，請問有咩涼茶可以煲？謝謝
Biola:
你家小朋友是否鼻塞不通,如果不是鼻塞最好去看醫生了解氣促原因.鼻塞可以用辛夷花8朵剪碎泡茶供服,可加蜜糖.如氣促就要了解原因才能提供食療.平時可以用太子參3錢,淮山1兩,杞子2錢,紅棗5粒,陳皮1塊煲瘦肉或雞湯,都有助補氣血,强體質.
芳姐，請問面癱有咩食療可以幫助?thx
訪客:
面癱中醫針炙效果較佳.可以試買盒複方丹參丸,每天服1次,服一盒試試.
芳姐，請問有無牌子可以提供？因為怕買錯，thx
訪客:
我在華潤堂買的,复方的好像得一隻牌子.
謝謝，芳姐