小兒長新冠—太子參玉竹百合杏仁雪梨湯
疫症未見緩和，雖然未有海嘨式爆發，但大家仍然不可鬆懈防疫，接種疫苗順便接種流感針可防患於未然，就算不幸受到感染病症都不會太嚴重。
不少患兒因為未接種疫苗，一旦受到感染情況會很嚴重，真的非常辛苦。有些康復了仍然會出現長新冠症狀，咳喘、疲勞、精神不集中、肌肉疼痛、睡不安寧等。
今天推介這款「太子參玉竹百合雪梨湯」有健脾益氣、潤肺止咳、寧心安神及提升免疫力的作用，對患病小兒體虛乏力、咳喘不息十分有幫助。
用料是：太子參3錢，玉竹5錢，百合1兩，南北杏1兩，無花果4枚，雪梨2個。
做法：各種材料浸洗；雪梨連皮洗淨，去核後切塊；全部材料用7碗煮1小時成3~4碗即成，隨量服用。
~ 小貼士：此湯清潤可口，老少可飲，且鹹甜皆可。鹹的加瘦肉或鷓鴣同煮，能滋陰潤肺、止咳；甜的加冰糖非常美味。
芳姐你好
大人同小朋友都有流鼻涕同熱咳，可唔可以飲雪梨 玉竹百合無花果水？謝謝
Chan:
可以飲雪梨玉竹百合花果水,只要有喉痛發燒就成.
吾該曬
芳姐請問小朋友喉嚨痛可否飲太子參？
太子參南棗無花果薏米？
如果吃西藥是否要隔二小時？
謝謝
訪客:
喉痛屬熱症,暫時不宜用補益湯水,最好用金羅漢果11/4個打碎,胖大海4,5粒,3碗水煮成2碗供一天分服,喉痛好了才用太子參這類補湯.服西藥2小時可飲羅漢果茶.
謝謝
想請教如果預17人飲,應預多少份量? 是否可加蘋果? 另我打算加些陳腎
Minnie:
17人飲,太子參1兩,玉竹2兩,百合3兩,南北杏2兩,無花果8粒,雪梨4~5個,可加蘋果4~5個,去核,陳腎可用4個切片同煮以增加鮮味.
唔該哂芳姐，今日跟你的份量煲湯，很清甜，家人都愛喝，謝謝你！要煲多人份量真係考起我^＾
芳姐你好想請問一下我用，雪梨乾、紅蘿蔔、太子參、南棗、眉豆加冰糖當甜水細小朋友喝可以嗎?
這個甜水有什麼功效，謝謝
訪客:
小朋友可以飲你提的湯水,有益氣健脾,潤肺的功效.
芳姐你好，加眉豆定扁豆適合？眉豆和扁豆功效有什麼分別？扁豆是否要炒過？謝謝
訪客:
眉豆和扁豆都有健脾作用，眉豆對消化不良人士有益；扁豆對食傷脾胃的小朋友及大便溏薄者有益,有利水袪濕功效.
芳姐你好，你這個太子蔘雪梨水如果想去濕可否加茯苓薏米這些去濕藥材, 如果又唔想太寒涼是否加茯苓比生薏米更適合？謝謝
訪客:
太子參雪梨水可加茯苓,生熟薏米,不會太寒涼.
謝謝
芳姐你好，如果煲雪梨薏米太子參水，唔用薏米怕小朋友太寒涼是否可以改用赤小豆？謝謝
訪客:
用赤小豆,好像和雪梨不太配合,可用太子參,蘋果,雪梨,無花果煲水,小朋友合用.
謝謝
芳姐，但係想要去濕
訪客:
可以加1兩炒扁豆以袪濕.
芳姐請問如果煲12碗水，要用幾多太子參？太子參是否不會燥不會上火的？謝謝
訪客:
煲12碗水用太子參1兩已足夠.不上火的.
芳姐請問一両即是幾多克芳
訪客:
1兩大約37克多少少,你人多飲就計40克吧!
芳姐唔好意思想再問下如果太子參份量用多左，咁會否熱氣？或沒太大問題？謝謝你
訪客:
太子參到底是中藥材,不宜過用.反而食物蔬果等可以多用些.
芳姐請問一下這個湯小朋友喝可以加白色茯苓和薏米嗎？唔該
訪客:
可以加茯苓和薏米的.
芳姐如有咳可否飲？
訪客:
有咳冇發燒可以飲.
謝謝
芳姐你好，比小朋友飲如沒有太子參可否用黨參？雪梨乾，黨参，茯苓，紅棗，薏米，加冰糖
訪客:
3歲以上小朋友可以間中用黨參,但用量以3錢以內為宜.
芳姐你好，如果我無玉竹可以用什麼代替？唔該
訪客:
用蘋果代替吧!
芳姐，今日同小朋友去海洋公園玩，由朝玩同晚，又熱又哂，流好多汗，又食煎炸食物，可否明天，後天連煲二日太子參薏米冰糖水，一日雪梨海底椰太子參茯苓薏米，一日木瓜海底椰太子參茯令薏米，好不好，連飲二日只是不同水果可以嗎？要不要再加或減些什麼材料更好？謝謝芳姐
瑤瑤:
你提的湯水有益,可以用的.
唔該芳姐
芳姐，煲生果太子參水加冰糖，早上煲好，晚上先給小朋友飲可以嗎？怕不怕放太耐？，要放入雪櫃？放室溫可以嗎？
謝謝芳姐
欣欣:
早上煮好晚上吃没問題的,不用放雪櫃,室温不會變壞.
可以用雪梨乾代替雪梨嗎？效果是否一樣的？芳姐
Wah:
雪梨乾不太寒涼,新鮮雪梨則清肺熱效果較佳.
唔該
唔該
芳姐這個「太子參玉竹百合雪梨湯」，加圓肉和薏米可以？小朋友能否飲？
另外平日常煲蘋果，太子蔘，圓肉，茯苓，加冰糖給小朋友喝，是否對身體十分有益？如果落了茯苓就不用薏米？兩者都是去濕茯苓和薏米那一樣更適合小朋友?謝謝
訪客:
太子參玉白百合雪梨湯不用加圓肉,加薏米可以供小朋友服.茯苓健脾利水滲濕,性平;薏米也是利水滲濕藥,亦有健脾作用,不過性寒涼.可以和茯苓同用.薏米有少許殺病毒功效.
謝謝
芳姐，小朋友新冠第五，六日，差不多好返，但仍有一，二聲咳，這個湯可以飲嗎，雪梨會否寒涼？
Kit:
可以改用性平的蘋果.
謝謝
芳姐，我買一些有機的蘋果,連皮煲功效是否更好，但有機蘋果皮都有一些臘的，要否要括掉？
Kit:
有機蘋果可以浸入熱水中片刻,將果臘溶化,再用百潔巾擦洗,沖洗後可連皮用.但要去核.
謝謝芳姐
請問太子蔘幼兒可否食用？是不是要七、八歲方才可以食用？
太子蔘有一陣泥味是否正常，浸洗後仍然有泥味，應怎樣清洗？謝謝
訪客:
太子參應該没有泥味的,對氣虛不足,瘦弱的幼兒適合，兩歳幼兒可以用.
謝謝
芳姐
你好 囡囡3歲 前幾日感冒 宜家還有些痰咳，痰有少少黃 請問可以煲D咩嘢湯水清下，謝謝！
Joyce:
你可用鮮龍脷葉2兩,南北杏1兩,雪梨2個,去核,金羅漢果半個,6~7碗水煮成4碗,全家可飲,囡囡一天可分服2碗.有助清肺熱,化痰止咳.人多飲加些蘋果及無花果.
謝謝芳姐回覆，另外想請教芳姐 囡囡近哩幾個月大便間中會痾爛便 帶有食物殘渣，但又唔係腹瀉， 又無胃口食飯是否消化不良現象 有無方法或湯水可以調理🙏
Joyce:
小兒食積不化,可用淮山5錢,雞內金2錢,煲瘦肉湯供服,或取汁煲小米粥食更佳,有健脾胃,消積滯功效,最好一星期3劑,至症狀好為止.
謝謝芳姐！
小朋友5歲，之前感冒，睇過醫生，好返好多，但持續咳，都係不斷煲湯水，近排開始有鼻水，夜晚訓時有少少咳，早上起身會打乞嗤，有好結的黃綠鼻涕，但之後又全日冇咩野，可以飲啲咩？止左鼻涕先？
Test
芳姐,
妳好！請问小孩４歲,到了四月份花粉季節（現居美國的新澤西州）他咀唇干烈和流鼻血, 請問有怎麼湯水可減少他的敏感呢？
劳煩待覆, 謝謝妳！
Annie Ko
Annie:
你處能買到茅根嗎!茅根,鮮蓮藕中間的節能止血,用茅根1扎,鮮藕節3個,雪梨,蘋果各1個,去核,紅棗6粒,5碗水煮成2碗供服,連服3劑,有助清熱涼血,改善唇乾等不適.紅棗含有一些抑制體內過敏細胞活躍的物質,日常可以多供食.
芳姐：
多謝妳的湯療良方，超市各樣.配料都可以買到的。
謝謝妳啊！
Annie Ko
芳姐：
請問蓮藕是季節性的食物，如果買不到可有另類代替呢？
Annie Ko
Annie:
如果無蓮藕,用馬蹄或白蘿蔔汁代替亦有涼血止血作用.
芳姐:
湯療配料有多種選擇就更好, 謝謝妳的回覆!
Annie Ko
芳姐，您好！
孩子8岁多了，晚上睡觉经常性磨牙，流口水，连续煲了 海底椰+雪梨干+无花果+麦冬+灯芯草 +百合 +冰糖 ，还是有磨牙现象，请问还能煲什么汤水给他喝尼？
xj0231:
你可用小麥米1兩,甘草2錢,茯神5錢,百合1兩,紅棗5粒,6碗水煮成3碗,小朋友可一天分服2碗,另一碗可以媽媽飲,有助清心安神,連服3劑,有助減少磨牙.
你好，芳姐。小兒今年2 月就2 歲。 剛剛1 月中了Covid . 只是發燒了一天。 轉陰性後就開始咳，咳到踹。 睇醫生是氣管炎。 要聞氣。 之前試過食氣棗末都不可以。 亦都試過金銀花加川貝；金銀花加川貝加陳皮。 亦都試過川貝雪梨。亦都唔好，仍然有咳。 害怕會轉變為哮喘。請問有邊樣食療可以止咳。有時明顯係喘咳。有時亦帶有鼻塞。謝謝芳姐解答。 預先感謝！ 因為小朋友都害怕食中藥西藥 。
KK:
你試在網頁左方分類處找[長新冠],然後按一下,即可看到有關患上新冠病毒後能作的調理.我覺得虎乳靈芝對肺氣十分有益,而且無甚藥味,可以用虎乳靈芝3錢,太子參3錢,核桃肉,南北杏各適量,紅棗6粒,生薑3片煲鷓鴣或瘦肉湯,煲夠2小時,全家可飲,你仔仔可一天分服2碗,連服3劑,看能否改善咳喘症狀.如鼻塞可另外用6~8朵辛夷花泡茶供服,可加蜜糖,好味些.
你好芳姐，我女差唔多3歲，中過2次新冠
第一次係上年2月個次只有燒冇咳冇鼻水
第二次係上年12月，當時只有痰冇咳，我燉左川貝肉眼陳皮3日就好
每次有鼻水就用辛夷花焗水都好有效
但最近佢年30晚之後初一早上起身咳帶痰，痰好濃稠，又咳唔到出黎睇唔到咩色，只知日頭咳比較多，試過燉川貝2次但之後去了日本就冇再比湯，只比猴棗奠散，川貝陳皮粉末，可能加奶飲，效果欠佳
而家已經接近2星期，時好時唔好，有咩方法可以幫到?
試過川貝蒸柿餅，唔係太肯食…
Mio:
你試用金羅漢果1/4個,雪梨乾6~7片,百合5錢,5碗水煮成2碗,一天分服,有助化痰止咳.連服2劑,看能否改善?
好的，謝謝
你好芳姐
女女本來好返，上星期一，又流鼻水
鼻水倒流致咳，痰又再出現
但只出現夜晚睡覺時，尤其半夜，痰上頸就會咳醒，有點氣促的樣子，可以煲咩改善？
我睇到你教虎乳靈芝，適合嗎？
Mio:
你試用法夏3錢,茯苓3錢,陳皮2錢,辛夷花6~8朵,甘草1錢,5碗水煮成2碗,辛夷花後下,連服2劑,有助袪痰收鼻水.
感謝芳姐，我明天試試
芳姐，你這個配方十分有效，我女服後鼻水沒有了，痰化了差不多九成
但不知為何仍有喘咳，時間多是臨訓著前
如果臨訓前無，半夜3,4點就好準時會咳醒
今早凌晨四點明顯咳醒，8點左右再咳醒，發覺有一兩啖痰
前兩天佢嘔過，入面有好多痰，我也以為佢好返了
仲有咩可以煲比佢？
我個日買了一啲青欖，見你另一個post有青欖桔餅茶，適合佢嗎？
還是虎乳靈芝好一啲？
Mio:
法夏湯仍可服2劑以清痰.另外可用青欖15粒,金羅漢果半個,南北杏1兩煲水,全家可飲,有助利咽袪痰,人多服可加些雪梨乾同煮.
謝謝
青欖湯要落肉嗎？
煲幾耐？
法夏湯仲要辛夷花嗎？因為已無鼻水
Mio:
青欖湯不用加肉同煮.煮半小時就成.如無鼻水,法夏湯不用加辛夷花了.
芳姐，我女用了你教的方法終於好返，但今次就輪到我仔，本來有睇中醫，但食完藥無好轉
鼻涕又黃又綠，所以痰色一樣，有時帶啡，但無咳
可以用咩幫到？麻煩晒
芳姐妳好！
新冠肺炎康復后氣緊，唔知係唔係支氣管炎，飲咩湯水好、
雯雯:
已回覆.除了我推介的白果杏仁核桃肉湯,另外可以用花旗參及麥冬各1湯匙泡茶服,連服3~4天.
謝謝芳姐🙏
芳姐好，感染新冠第6日，沒有發燒，咳，口嚨痛，痕癢，一咳氣管抽到肚子想嘔，無痰，已煲了龍脷葉海底椰蘋果，還有其他湯水嗎？可以煲菜乾湯水嗎，謝謝🙏
楊太:
可以煲個杏汁菜乾豬肺湯作調理.杏仁磨粉，用1湯匙，菜乾可配紅蘿蔔、無花果，加豬肺及排骨就非常美味,湯料也可以食,如怕煩就用排骨吧!
請問:
「可以煲個杏汁菜乾豬肺湯作調理.杏仁磨粉，用1湯匙，菜乾可配紅蘿蔔、無花果，加豬肺及排骨就非常美味,湯料也可以食,如怕煩就用排骨吧!」~若一家三口用此材料煲湯，杏仁粉可以加多少？因為怕太多會肚痛，謝謝你
龍老太:
三人量可用1湯匙半杏仁粉就夠.
謝謝芳姐!
芳姐:
最近胃氣脹,大便比較難或一粒.有放屁和腳比較冰冷.
可以怎麼舒緩？謝謝.
Ming:
你可以用當歸3錢,肉蓯蓉5錢,柏子仁3錢,無花果4粒煲豬肉湯服,煲個半小時,連服2~3劑,對你的症狀有幫助.日常可以多吃些蘋果及鮮無花果.
你好芳姐，小朋友快3歲，近2個月便秘，2-3日才去1次大便，難痾，有咩湯水介紹？
另外小朋友不論夏天開冷氣，冬天，起床都會流鼻水，有咩方法？
謝謝。
Ally:
你家小朋友便秘可能和肺氣虛有關,因為中醫認為[肺與大腸相表裡],肺氣弱腸蠕動慢,故易便秘.鼻敏感也因肺氣弱有關,可以去裕華或農本方買[玉屏風散]顆粒沖劑,每次沖服時加8朵剪開的辛夷花同沖泡,可加蜜糖.隔日1劑.便秘可以買美國西梅乾,每天吃4粒,然後飲暖水,要飲多些暖水,很快通便.
芳姐：你好！
小女7⃣️岁，夜晚睡得不安稳，有半夜坐起來喜歡扒著睡，滾来滾去，看了中醫說是丿心肾不交，請小孩子為怎麼會這樣，至今晩上还要穿尿拉拉褲⋯⋯請教該怎麼做？感謝！
mei mei:
你囡囡已經七歳,但仍尿床,有没有去政府泌尿科看過呢?可以去家庭醫生處先看一次,着家庭醫生寫張醫生紙,可較容易去看政府的專科,小朋友可能膀胱括約肌鬆弛才會七歲仍尿床,必須及早治好,否則會影響日後正常社交的.可以用白果15粒,去芯,芡實1兩,蓮子,百合各1兩,圓肉5錢煲瘦肉湯服,煲2小時,全家可飲,有助養心補腎,改善夜尿,一星期2~3劑,囡囡 要吃些湯料.
你好芳姐，小朋友半夜訓教同朝早起身先咳，係咪屬於寒咳/氣管敏感型？有咩湯水岩小朋友飲？🙏
Yan Ng:
如痰白清稀,多屬寒咳,但氣管敏感亦會咳.試用紫蘇葉3錢,生薑3片,紅糖適量,4碗水煮成2碗供服,有助散寒止咳.
Test